Манчестер Сити има недостижна предност на врвот, тимот на Гвардиола изгледа супериорно во однос на другите, на Мурињо му е јасно дека нема шанси оваа сезона за трофејот во Премиерлигата.
„Ни требаат бодови за да бидеме први од останатите. Треба да се трудиме да завршиме втори, цело време сме на оваа позиција, во првите неколку кола бевме први, а потоа постојано втори“, вели Мурињо.
„Трката за второто, третото, четвртото, петтото и шестото место е отворена, а за првото е практично затворена“.
Манчестер Сити досега загуби само седум бодови оваа сезона, Мурињо ја фали нивната игра.
„Тие играат, многу, многу добро, толку добро што не дозволија другите да им се приближат, едноставно така е“.
„Не можам да речам дека ние, Тотенхем или Челси сме лоши бидејќи бодовите кои ги имаме се добри, но Манчестер Сити почна силно и остана така, победуваше и на натпревари на кои не заслужуваше, им честитам, играа до послендата минута, даваа победнички голови во судиското продолжение“.
За разлика од Мурињо, Гвардиола смета дека трката за титулата се уште е отворена.
„Има уште 13 натпревари, тоа се 39 бода, ние имаме предност од 15, па не е готово. Имаме тешки мечеви пред нас“, изјави Гвардиола.