Давид Де Геа имаше маестрална партија против Арсенал по која многумина рекоа дека Шпанецот е најдобриот голман во моментов во светот.
За вечерашниот натпревар против ЦСКА Москва, Мурињо ќе направи неколку промени во тимот со цел да ги одмори главните играчи за големото дерби против Сити. Давид де Геа нема да биде ниту на клупата за резерви.
На прашањето дали има подобар голман од Де Геа, Мурињо одговори: „Да, Ромеро. Бидејќи тој ќе брани утре и мојот голман секогаш е најдобриот голман во светот. Па Давид сега е трет најдобар. Ромеро е број еден, Жоел е број два, и Давид е трет најдобар“.
Новинарот со цел да го добие одговорот мораше да го прилагоди и прашањето на шегите на Мурињо, па праша како ја оценува формата на неговиот трет најдобар голман: „Многу е добар, многу, многу добар. Цела сезона е многу добар“.