Барселона ќе го
пречека Реал Мадрид како нов шампион на Шпанија. На избраниците на Валверде
вечерва им беше доволен и бод против Депортиво, но на крилјата на Лео Меси,
„Каталонците“ стигнаа до победа од 2-4.
Резултатот беше
отворен веќе во 7. минута. Дембеле асистираше а Кутињо прецизно биеше за 0-1.
Во 38. минута, Барса поведе со 0-2. Луис Суарез одлично го забележа Лео Меси на
подалечната статива, центрираше со надворешно ефе а Аргентинецот погоди за 0-2.
Пред крајот на
првиот дел, Депортиво се врати со голот на Перез. Чолак во 64. минута изедначи
на 2-2 и најави интересна завршница.
Сепак, Лео Меси
се погрижи да нема никакво изненадување. По една контра во 82. минута, Суарез и
Меси несебично проиграа, за Лео рутински да ја затресе мрежата на домаќините. Само 180 секунди
подоцна, Суарез одново асистираше, а Лео по земја реализираше за 2-4 и славје
на нова титула.
Со овој хет-трик,
Лео Меси сега има 32 погодоци и изби на првото место на листата со стрелци во
Европа.