Меси се изедначи со мајсторот Роналдињо, Барса го стигна рекордот на Реал Сосиедад (ВИДЕО)

Повторен е
големиот рекорд на Реал Сосиедад од 1979 и 1980 година, Барселона вечерва со
3-1 го совлада Леганес и стигна до 38 натпревар без пораз во низа во Ла Лига.

Главен играч на
натпреварот беше Лео Меси, кој постигна хет-трик. Аргентинецот го отвори
резултатот со прекрасен гол од слободен удар, негов шести оваа сезона во Ла
Лига со што се изедначи со мајсторото Роналдињо, кој во сезоната 2006/07 исто
така шест пати погоди од прекин.

Пет минути по
водечкиот гол, Меси по втор пат ја тресеше мрежата на гостите на асистенција на
Кутињо.

Ел Жар во 68.
минута погоди за 2-1 и ја врати неизвесноста, но сите дилеми беа решени во 87.
минута кога Аргентинецот го комплетираше својот хет-трик за конечни 3-1.