Челси и Барселона
одиграа реми со резултат 1-1 во првиот меч помеѓу овие две екипи во мега
двобојот, а на мечот во Лондон во првите 45 минути игра мрежите мируваа.
Домаќинот долго ја
плетеше мрежата околу голот на гостите кои немаа некоја посериозна шанса за
гол, па Сините во второто полувреме преку Вилијан во 62. минута први дојдоа до
водство од 1-0.
Конечните 1-1 на
Стемфорд Бриџ ги постави Меси во 75. минута со својот прв гол во својата
кариера против Челси кој како клуб беше нерешлива енигма за него, но тоа заврши
вечерва.
За Баерн Минхен по
победата од 5-0 на домашен терен против Бешикташ реваншот во Истанбул ќе биде
само формалност, а четвртфиналето е обезбедено.
Гостите уште во 16.
минута останаа со играч помалку на теренот откако дефанзивецот Вида доби
директен црвен картон откако го собори Левандовски при една изгледна прилика за
германскиот тим кој во продолжението од средбата во целост ја искористи
бројчаната предност.
Милер на две минути пред
истекот на регуларните 45 минути игра погоди за 1-0, а во второто полувреме
постигна уште еден гол, покрај оној на Коман, како и двата на Левандовски.