Челси и Атлетико Мадрид
ремизираа со резултат 1-1, а од ова реми на дербито на вечерта најголема
придобивка извлече Рома која како првопласирана од групата „Ц“ патува во
осминафиналето.
Атлетико Мадрид прв
поведе и тоа со голот на Нигез во 56. минута, а израмнувањето дојде во 75. минута
и тоа со автоголот на Савиќ.
Рома три минути пред
водството на Атлетико Мадрид во Лондон дојде до почетно водство над аутсајдерот
Карабах со голот на Пероти.
Рома одигра 3-3 на
гостувањето кај Челси а дома го совлада англискиот премиерлигаш со високи и
убедливи 3-0, па токму поради ова го презеде првото место во оваа конкуренција.
Табела: Рома 11, Челси 11, Атлетико Мадрид 7, Карабах 2.
Од останатите средби
Баерн Минхен не успеа да направи чудо и да слави со четири гола предност над
ПСЖ пред своја публика, па ќе се задоволи со второто место во групата откако
дојде до триумф од 3-1. И двете екипи од групата „Б“ патуваат во осминафиналето
со по 15 бода.
Селтик дома загуби со 0-1 од Андерлехт но на гости го победи со 0-3, па токму поради тоа го освојува третото место во групата и има место во Лига Европа.
Табела: ПСЖ 15, Баерн Минхен 15, Селтик 3, Андерлехт 3.
Стефан Ристовски одигра
едно полувреме во поразот на Спортинг Лисабон кај Барселона со 120, водечкиот
гол на мечот на „Камп Ноу“ го постигна Алкасер во 59. минута а автогол во
финишот од средбата си постигна Метју. Овој резултат најмногу му одговараше на
Јувентус кој со победата од 0-2 кај Олимпијакос го потврди второто место од
групата „Д“, а головите за европскиот вицепрвак ги постигнаа Квадрадо во 15. односно
Бернардески во 89. минута.
Табела: Барселона 14, Јувентус 11, Спортинг Лисабон 7,
Олимпијакос 1.
Манчестер јунајтед со
пресврт дојде до победа над ЦСКА Москва со 2-1 на домашен терен. Гостите први
поведоа со голот на Џагоев во финошот од првиот дел, а во вториот Лукаку и
Рашворд во шеесет секунди донесоа победа за премиерлигашот.
Базел обезбеди гостинска
победа кај Бенфика со головите на Елионуси и Оберлин и го сочува второто место
во групата.
Табела: Манчестер јунајтед 15, Базел 12, ЦСКА Москва 9, Бенфика
0.
РЕЗУЛТАТИ И ПОГОДОЦИ ОД
ВЕЧЕРАШНИТЕ НАТПРЕВАРИ:
Група „А“
Манчестер јунајтед –
ЦСКА Москва 2:1 (Џагоев
45’, Лукаку 64’, Рашворд 66’)
Бенфика – Базел 0:2 (Елионуси 5’, Оберлин 65’)
Група „Б“
Баерн Минхен – ПСЖ 3:1 (Левандовски 8’, Толисо 37’, 69’, Мбапе 50’)
Селтик – Андерлехт 0:1
(Шимуновиќ автогол
62’)
Група „Ц“
Челси – Атлетико Мадрид 1:1
(Нигез 56’, Савиќ автогол 75’)
Рома – Карабах 1:0
(Пероти 53’)
Група „Д“
Барселона – Спортинг
Лисабон 2:0 (Алкасер 59’, Метју автогол 90′)
Олимпијакос – Јувентус 0:2 (Квадрадо 15’, Бернардески 88′)
Фото: AS
Roma English (Twitter)