Ливерпул имаше
меч топка против Стоук, кој испадна од елитното друштво во Премиерлигата
сезонава, да загарантира место во Лигата на шампионите за следната сезона, не
успеа во тоа, а вчера загуби и од директниот ривал за битката во топ четири со
што си ја искомпликува ситуацијата.
Од успешна, Ливерпул сезоната може да си ја
претвори во кошмарна доколку не дојде до победа во последниот дуел против
Брајтон, односно триумф во големото финале од Лигата на шампионите против Реал Мадрид.
Очигледно е дека
тимот на Клоп е во мини-криза, а тој призна дека Мохамед Салах, првата ѕвезда
на Ливерпул заслужено доби жолт картон од дербито со Челси откако се обиде да
симулира прекршок близу казнениот простор на домаќинот во првото полувреме.
„Да, мислам дека
тоа беше симулирање, дали беше? Или тој чекаше на некаков контакт, не сум
сигурен“ рече германскиот стратег незадоволен од реакцијата на египетскиот
интернационалец, додавајќи дека тоа е нешто што тој не сакал да го види од
него.
data-lang="en">
data-lang="en">