Денес (сабота) се игра
големото дерби во англиската Премиерлига каде Манчестер јунајтед на домашен
терен ќе го пречека Ливерпул на „Олд Трафорд“.
Во пресрет на дуелот со
својот колега од спротивната страна, Жозе Мурињо, Јирген Клоп, шефот на
стручниот штаб на Ливерпул рече дека нема ништо спорно во тактиката на
португалскиот стратег, додаде дека секој има свој начин за тоа како да добие
фудбалски натпревар, но истакна и дека Манчестер јунајтед во изминатите неколку
години е многу поуспешен во однос на Ливерпул.
„Знам што велат луѓето,
тие играат еден специфичен начин на теренот, ние играме специфичен начин и сите
прават нешто големо од тоа. Но, поентата е во победите. Постојат различни
видови на начини како да добиете фудбалски натпревари но ние имаме различна
историја во текот на последните неколку години. Во последните неколку години
Манчестер јунајтед беше многу поуспешен од нас, тоа е вистината, ние го
почитуваме тоа, но тоа не го уништува овој момент, морам да бидам искрен“ рече
Клоп.
Мечот помеѓу Манчестер
јунајтед и Ливерпул се игра со почеток од 13 часот и 30 минути.