Прекрасно дерби на Манчестер, пет гола, многу шанси, возбудувања и победа на Јунајтед со голем пресврт во второто полувреме.
Натпреварот не можеше да почне подобро за Манчестер Сити, со самиот старт почнаа да се редат шансите пред голот на Де Геа, а мрежата прв пат беше затресена во 25. минута кога Компани постигна гол за водство од 1-0.
Само пет минути подоцна Гундоган постигна убав гол за предност на Манчестер Сити и од 2-0.
Во првото полувреме Манчестер Сити можеше да даде уште неколку гола, но пред се Стерлинг пропушти идеални можности за гол. Јунајтед немаше ниту еден шут кон голот во првите 45 минути, се изгледаше дека им нема спас на овој меч. Но во вториот дел како да излезе друг тим.
Во 53. минута Санчез убаво асистираше до Ерера кој со гради ја спушти топката до Погба а тој намали на 2-1. Само две минути подоцна Погба со глава погоди уште еднаш за изедначување на 2-2.
Во 69. минута нова радост за црвениот дел од Манчестер, Санчез асистира до Смолинг кој остана сам и од неколку метри со нога го совлада Едерсон за комплетен пресврт и водство на Јунајтед од 3-2.
До крајот на мечот Пеп се обиде со сити сили да нападне, но Јунајтед играше добро во добраната а го имаше и фантастичниот Давид де Геа кој имаше една неверојатна интервенција.
На крајот Манчестер јунајтед славеше голема победа со која се одлепи на втората позиција, а Манчестер Сити својата втора шанса за заверка на титулата ќе ја има во следното коло на гостувањето кај Тотнем.