Тијаго Силва во септември ќе наполни 41 година, но уште игра во фантастична форма, а неговите лидерски способности се нешто што го разликува од многу други дефанзивци.
Бразилецот беше вистински лидер уште додека беше во Милан, таков беше и во ПСЖ и Челси, а сега во Флуминенсе е главен.
Тијаго Силва е еден од најдобрите на теренот на Флуминенсе, на четири натпревари досега на Светското клупско првенство неговиот тим прими само два гола и тоа во меч кој го добија со 4-2 против Улсан. Ја сочуваа мрежата против Борусија Дортмунд, Мамлоди и Интер.
Победата над Интер од 2-0 беше импресивна, а Тијаго Силва не само што командуваше на теренот, туку тој во еден момент ја промени и тактиката.
Се случи тоа за време на паузата за вода која ја има на мечевите поради топлото време. Тијаго Силва му кажа на тренерот како и зошто треба да ја променат формацијата и тоа се случи.
Thiago Silva changed the team tactics MIDGAME 🤯
— DAZN Football (@DAZNFootball) July 2, 2025
More than a player. A leader on and off the pitch. A true LEGEND! 👏
Watch the @FIFACWC | June 14 – July 13 | Every Game | Free | https://t.co/i0K4eUu4lJ | #FIFACWC #TakeItToTheWorld pic.twitter.com/HEWPUhguMN
Флуминенсе одигра фантастично до крајот и дојде до голема победа и пласман во четвртфинале каде ќе играат против Ал Хилал.