Шпанскиот репрезентативец Марк Кукуреља реши да го одржи зборот даден пред почетокот на Светското првенство и наскоро на своето тело ќе го истетовира ликот на селекторот Луис Де Ла Фуенте.
Фудбалерот претходно најави дека доколку „црвената фурија“ успее да го освои трофејот, ќе направи тетоважа со лицето на селекторот. По големото славје и освојувањето на титулата, Кукуреља немаше друг избор освен да го исполни необичното ветување.
Само неколку дена по историскиот успех на Шпанија, тој започна со реализација на идејата. Во својот дом ги пречека членовите на познатото тату студио „Ганга“, зад кое стои реномираниот шпански уметник Хоакин Ганга, познат по своите исклучително реалистични тетоважи.
Во моментов сè уште не е откриено на кој дел од телото Кукуреља ќе го истетовира ликот на Де Ла Фуенте, но јасно е дека репрезентативецот ќе остане доследен на ветувањето.
¡Marc Cucurella no va a faltar a su promesa!😅
— DAZN Fútbol (@DAZNFutbol) July 28, 2026
El lateral de la Selección Española SE VA A TATUAR A LUIS DE LA FUENTE🔥
📹: @ceciarmy pic.twitter.com/HiVL8Bc3xe