Бранителот на
трофејот во Серија А, тимот на Јувентус одигра само нерешено со резултат 1-1 на
гостувањето кај Кротоне, со тоа што направи кикс кој му донесе намалување на
бодовната негатива на второпласираниот Наполи кој со 4-2 славеше на домашен
терен против Удинезе.
Сандро во првото
полувреме го донесе Јувентус во водство од 0-1, во вториот дел со гол со
ножички израмни Сими.
Иако Удинезе прв
поведе со голот на Јанкто, Наполи по само
четири минути израмни преку Инсиње, гостите повторно дојдоа до водство
преку Ингелсон но тоа беше се’ што можеа против Наполи кој со головите на Албиол, Милик и Тонели дојде до
мошне важни три бода.
Резултати:
Беневенто –
Аталанта 0:3
Рома – Џенова 2:1
Кротоне –
Јувентус 1:1
Фиорентина –
Лацио 3:4
Наполи – Удинезе 4:2
Сампдорија –
Болоња 1:0
СПАЛ – Киево 0:0
Торино – Милан 1:1
Верона – Сасуоло 0:1
Табела: Јувентус 85,
Наполи 81, Рома 64, Лацио 64, Интер 63, Милан 54, Аталанта 52, Сампдорија 51,
Фиорентина 51, Торино 47.