Јувентус имаше фуриозен меч против Сасуоло постигнувајќи дури седум погодоци. Гостинот беше буквално понижен.
Во првиот дел два гола беа дело на Кедира, по еднаш реализираа Алекс Сандро и Пјаниќ. А во второто полувреме свое гол шоу имаше Игуаин кој реализираше хет-трик.
Милан со прекрасен гол на Сусо дојде до водство кај Аталанта уште во деветата минута, натпреварот се одвиваше добро за „росонерите“.
Проблемите почнаа од 68. минута кога Калабрија заработи втор жолт картон, Милан остана со фудбалер помалку. Осум минути подоцна, Донарума не интервенираше најдобро, сам си ја внесе топката во мрежата за конечни 1-1.
Интересно беше на соседското дерби меѓу Болоња и Фиорентина кое заврши со победа на гостите од 2-1. Интересно, во првиот дел два гола беа постигнати директно од корнер.
Во останатите дуели Каљари го победи СПАЛ со 2-0, Аталанта со 1-0 славеше над Киево, во првиот денешен меч Рома со 1-0 триумфираше на гостувањето кај Верона.