81
Јувентус е прв финалист во Купот на Италија, избраниците на Алегри го добија и возвратниот натпревар со Аталанта. Вечерва пред своите фанови, „Старата Дама“ славеше со 1-0 благодарејќи на погодокот од пенал на Пјаниќ во финишот од мечот.
Аталанта пружи силен отпор, имаше и шанса да го изненади фаворитот откако Банатија продаде една топка а Гомез убаво забележа дека Буфон е излезен и проба да го матира од 40 метри но неговиот удар заврши во стативата.
Неколку минути подоцна и Јувентус ја погоди рамката од голот, Даглас Коста по еден соло пробив ја затресе пречката.