Јунајтед ќе игра ЛШ, а поради тоа дополнителна причина за радост има Маунт

Манчестер Јунајтед обезбеди пласман во Лигата на шампиони по значителниот напредок во резултатите во завршницата од сезоната, а меѓу најзадоволните во тимот е Мејсон Маунт.

Англискиот играч ќе добие сериозно зголемување на заработката благодарение на враќањето на клубот во европската елита, па неговата неделна плата ќе достигне 290.000 евра.

Маунт на „Олд Трафорд“ пристигна во 2023 година од Челси во трансфер вреден 60 милиони евра. Во текот на актуелната сезона одигра 23 натпревари, при што постигна три голови и забележа една асистенција.