Интер немаше пораз до минатото коло, а сега веќе нареди два. Овој пат загуби на гостувањето кај Сасуоло со 1-0.
Фалчинели во 34. минута го постигна победничкиот погодок за Сасуоло, Икарди на почетокот од второто полувреме промаши пенал.
Џенова со гол на Лападула од пенал во 92. минута го победи Беневенто со 1-0. Горан Пандев ги одигра сите 90 минута и имаше две големи шанси. Во првото полувреме ја погоди стативата, во вториот дел излезе очи во очи со голманот, но шутираше во него.
Ефикасно беше на мечот Наполи – Сампдорија кој заврши 3-2, гостите два пати водеа но на крајот загубија. Сите пет голови беа постигнати во првиот дел, Хамшик го помина Марадона на вечната листа на стрелци за Наполи.
СПАЛ и Торино одиграа 2-2, Удинезе со 4-0 ја совлада Верона, со истиот резултат Лацио беше подобар од Кротоне.