Ибраими добива двојна улога во Партизани!

Поранешниот македонски репрезентативец Агим Ибраими до крајот на сезоната ќе има двојна функција во албански Партизани Тирана.

Клубот информираше дека по серијата незадоволителни резултати е прекината соработката со тренерот Олтијон Кернаја, кој не успеал да ги реализира очекувањата поставени пред стартот на сезоната, по што управата се одлучила за промени.

По неговото заминување, Ибраими ќе се приклучи и во стручниот штаб, додека истовремено ќе продолжи да ја извршува и функцијата спортски директор.

Да потсетиме, Ибраими во моментов е активен и во Фудбалска федерација на Македонија, каде што е дел од Управниот одбор.