Во Лига купот нема да има две мега средби, Манчестер јунајтед ја загуби пресметката со Бристол Сити.
Мурињо настапи со изменет, но силен состав во кој стартери беа Погба и Ибрахимовиќ, но Манчестер јунајтед се посрамоти.
По мирното прво полувреме, Брајан во 51. минута постигна прекрасен гол за водство на Бристол Сити од 1-0.
Само седум минути подоцна Ибрахимовиќ реализира од слободен удар за израмнување на 1-1, негов прв гол по враќањето од тешката повреда.
И кога се очекуваше дека натпреварот ќе отиде во продолженија, Манчестер јунајтед прими гол, Смит погоди во 93. минута за конечни 2-1.
Како што беше елиминиран Манчестер јунајтед, така помина Челси, со гол во 93. минута.
Сините поведоа преку Вилијан во 13. минута, во 90. Гослинг изедначи на 1-1. Но брзо потоа Мората реализираше за победа на Челси од 2-1.