Баерн Минхен
загуби на домашен терен со 1-2 од Реал Мадрид во првата пресметка помеѓу овие
две екипи во Лигата на шампионите, но, Германците никогаш не се откажуваат,
сигурно дека тимот на Јуп Хајнкес ќе фрли се’ на една карта вечерва (20,45) во реваншот на
Сантијаго Бернабеу.
Шефот на
стручниот штаб на германскиот тим смета дека противникот веќе покажал дека е
ранлив пред своја публика, како за пример го истакна реваншот со Јувентус каде
загуби со 1-3, а се’ до
завршницата имаше висока негатива која носеше продолжение за решавање на
патникот во полуфиналето, но во самиот финиш доби пенал.
„Реал против
Јувентус покажа дека е ранлив дури и пред своја публика. Тие во реалноста не се
непобедливи. Знаеме дека ќе биде тешко, Реал Мадрид е екипа која е навикната на
вакви тешки натпревари, но исто така и ние. Ќе бидеме незгоден противник, многу
напредувавме и имавме една важна цел која сакаме да ја исполниме. Сакаме
финале, а Реал Мадрид ќе направи се‘ што може за да не спречи во таа намера“ рече Хајнкес.