Со добрата форма во изминатиот период Милан се врати во битка за четвртата позиција во Серија А и дуелот со Интер е од исклучително значење. Доколку росонерите победат ќе останат во трката, во спротивно може да се збогуваат со шансите.
„Интер се промени во изминатите кола, постигнаа 10 гола а примија нула. ВО добра форма се, некои играчи им се вратија на најдобро ниво. Ние исто така сме во добра форма, одигравме добро против Јувентус и по неколку години дербито повторно ќе има некакво значење“, вели Гатузо.
„Се надевам дека ќе можеме да ги повториме перформансите од дуелот со Јувентус. Фановите треба да бидат добри и да ни дадат дополнителна енергија, тие веќе го направија тоа рушејќи го рекордот на продажба, сега треба да ги запалиме со добар старт“.
„Мора да излеземе со голема желба и да го дадеме максимумот за да го добиеме овој значаен натпревар“.
Натпреварот меѓу Милан и Интер се игра утре (среда) со почеток од 18:30 часот.