Гатузо со сите сили во Бугарија, најсилниот состав на Милан ќе игра против Лудогорец

Милан сериозно ќе го сфати натпреварувањето во Лига Европа бидејќи со негово освојување се обезбедува место во Лигата на шампионите, па Џенаро Гатузо не планира да го комбинира тимот.

Милан утре му гостува на Лудогорец во натпревар од шеснаесетинафиналето и ќе се обиде да обезбеди позитивен резултат пред реваншот во Италија.

Милан има значителна негатива во Серија А во битката за четвртата позиција, но предноста не е недостижна. Но опција за излез во Лига на шампиони е и освојување на Лига Европа иако и во неа има силни тимови.

„Тутоспорт“ пишува дека Гатузо утре ќе излезе со најсилниот состав и ќе оди на победа и цел да обезбеди резултат за мирен реванш.