Младата фудбалска репрезентација на Франција обезбеди место меѓу четирите најдобри селекции на Европското првенство до 21 година, откако во драматичен четвртфинален дуел во Бршов ја совлада Данска со 3-2.
Данците подобро го отворија натпреварот и веќе во 16. минута поведоа со прекрасен гол на Клемент Бишоф од далечина.
Сепак, Французите успеаа да се вратат до крајот на првиот дел. Во 44. минута, стоперот Кастело Лукеба со прецизен пас во празно го пронајде Џауи Сисе, кој со смирен удар ја затресе мрежата за израмнување на 1-1.
Веднаш по стартот на второто полувреме, Данска повторно поведе. Бишоф од фрлање од аут испрати долга топка во шеснаесетникот, а Оливер Соренсен искористи невнимание во одбраната на Франција и повторно ја донесе својата селекција во водство. До 84. минута Данците имаа полуфинале „во џеб“, но следуваше шокантен пресврт.
Најпрво левиот бек Квентен Мерлан со вистинска бомба израмни, а само минута подоцна Матис Тел со уште еден фантастичен удар ја комплетираше големата драма и донесе триумф за „петлите“.
Quentin Merlin | 🇩🇰 Denmark U21 2-2 France U21 🇫🇷
— Goals Xtra (@GoalsXtra) June 22, 2025
Brilliant strike with left foot !pic.twitter.com/gJUWMMZt4v
Mathys Tel | 🇩🇰 Denmark U21 2-3 France U21 🇫🇷
— Goals Xtra (@GoalsXtra) June 22, 2025
Back to back goals from France !!!pic.twitter.com/Ej0cMjguIQ
Во полуфиналето, Франција ќе се сретне со победникот од дуелот меѓу Германија и Италија, кој се игра вечерва од 21 часот. Второто полуфинале ќе го одиграат Англија и Холандија.