„Кралевите“ ја
имаат најслабата сезона во последните 30 години, па се најавуваат промени во
тимот по крајот на сезоната.
Има голем број на
шпекулации за тоа како ќе изгледа реконструкцијата а своја идеа за новиот Реал
има и Кристијано Роналдо, барем според пишувањата на Дон Балон.
Наводно ЦР7 веќе
стапил во контакт со Флорентино Перез и доставил листа со барања, кои покрај
новиот богат договор ќе треба да го убедат да остане.
Португалецот
смета дека пет играчи треба да заминат бидејќи не даваат никаков придонес оваа
сезона а тоа се Борха Мајорал, Тео Хернандез, Маркос Љоренте, Дани Себаљос и
Хесус Ваљехо.
Кристијано
Роналдо исто така верува дека треба да пристигне голман од светска класа како и
дефанзивец со педигре кој ќе треба да му биде партнер на Серхио Рамос во срцето
на одбраната.
Но овдека не
застанува листата со желби на ЦР7, тој сака да пристигне и неговиот сонародник
Гуедеш како поддршка за Герет Бејл, напаѓач кој ќе треба да ја пополни
празнината која настана со заминувањето на Мората, а ако биде продаден Бензема,
уште еден голгетер од висок калибар но не и играч кој ќе биде нов лидер. Роналдо
не сака да го загуби статусот на „командант“ и број 1 на Бернабеу.
Останува да се
види колку има вистина во ваквите стории бидејќи сето ова наликува на фантази фудбал.