Фабињо: Се надевам дека ќе освојувам трофеи со Ливерпул

По Наби Кеита од
Лајпциг, Ливерпул договори уште едно големо засилување во средниот ред за ова
лето откако на „Енфилд“ пристигна Бразилецот Фабињо од Монако.

„Возбуден сум,
премногу. Ова е нешто што секогаш го посакував, Ливерпул е голем клуб, ќе се
обидам да напишам своја историја овде. Се надевам дека ќе успеам да освојувам
трофеи со овој клуб“ рече Фабињо кој иако природната позиција му е десен бек, поголем
дел од сезоната која веќе заврши играше во средниот ред на францускиот
прволигаш.

Ливерпул за трансферот на 24 годишниот Бразилец кој има четири настапи за Кариоките, издвои 45 милиони евра, додатно и 5 милиони евра во бонуси.