Вечерва се играат
две реванш пресметки во осминафиналната рунда од Лигата на шампионите, Ливерпул
по гостинската победа од 0-5 кај Порто, вечерва треба само да го потврди
пласманот во следната фаза, а главниот настан е во Париз каде ПСЖ ќе се обиде
да ја анулира негативата од 3-1 стекната по првиот меч на гостински терен кај
Реал Мадрид.
„Л’Екип“ пренесува дека Килијан Мбапе
вчерашниот тренинг на ПСЖ го завршил чувствувајќи болки во проблематичното
колено, но пишува дека напаѓачот вечерва ќе го стартува мечот против европскиот
првак.
Почетните состави
за вечерашната мега пресметка во Париз кои ги најавува францускиот медиум…
ПСЖ: Ареола; Курзава, Силва, Маркињос, Алвес; Рабио, Мота, Верати; Мбапе, Кавани, Ди Мариа.
Реал Мадрид:
Навас; Карвахал, Варан, Рамос, Марсело; Модриќ, Касемиро; Вазкез, Асенсио; Бензема, Роналдо.
Од друга страна
пак, шпанска „Марка“ најавува дека во почетниот состав на Реал Мадрид ќе се најдат
Бејл и Крос, што ги немаше во оној што го пренесе „Л’Екип“, а за францускиот тим почетниот состав е
идентичен како и од претходниот медиум.
