Елнени пука од амбициозност, вели дека Арсенал се уште има шанси за титулата во Премиерлигата

Цели 24 бода е разликата
помеѓу првопласираниот Манчестер Сити и шестопласираниот Арсенал на табелата во
англиската Премиерлига, но чуда се случуваат, вели египетскиот интернационалец
од редовите на тимот од Лондон, Мохамед Елнени, кој од страна на фановите беше
прогласен за играч на месецот во тимот.

„Ние се уште имаме шанси
за да се натпреваруваме за титулата, мораме да се бориме до крајот, многу
изненадувања може да се случат во секој момент“ вели Елнени.

„Доколку не успееме во
битката за титулата, ќе се подготвуваме за тоа да го сториме идната сезона, но
моментално ние размислуваме само на што е можно подобар пласман во лигата“
заклучи фудбалерот на Арсенал.