Рома забележа
огромен успех сезонава во Лигата на шампионите, каде стигна до полуфиналната
рунда, во четвртфиналето ја елиминираше Барселона, а немаше сили за нов подвиг
и беше елиминирана од Ливерпул, иако, општиот впечаток е дека избраниците на Ди
Франческо можеа повеќе, откако на гости загубија со 5-2, а дома победија со
4-2.
Даниеле Де Роси,
капитенот на Рома по синоќешната реванш пресметка истакна дека е горд што е
капитен на група од фудбалери како оваа, но, додаде дека мора да се остварат
зацртаните цели во Серија А.
„Им честитам на
моите соиграчи, премногу сум горд на сите нив. Да се биде капитен на една ваква
група од неверојатни фудбалери е огромна привилегија, но, за да одбележиме оваа
сезона како успешна, ќе мораме да осигураме место во Лигата на шампионите за
следната сезона“ рече Де Роси.
Рома е во добра
позиција во Серија А, но, се уште нема загарантирано место во топ четирите
екипи сезонава, откако има само четири бода предност во однос на Интер (66) кој
се наоѓа на петтото место на три кола до крајот на италијанскиот шампионат. Со
својот градски ривал Лацио, имаат ист број бодови (70).