Лео Меси со нова одлична партија вчера ја предводеше Барселона до триумф од 3-0 над Челси во Лигата на шампионите, Аргентинецот погоди два пати и асистираше еднаш. Ѕвездата на „Каталонците“ уште еднаш го импресионираше фудбалскиот свет.
Рио Фердинанд, кој мечот на Камп Ноу го проследи како стручен коментатор за БТ Спорт, беше воодушевен од она што го виде и направи споредба помеѓу Лео Меси и Кристијано Роналдо.
„Меси и Кристијано Роналдо се двајцата најдобри играчи. Но има разлика помеѓу нив. Роналдо кога е на терен во мислите има само една работа „дајте ми ја топката во шеснаесетник и ќе дадам гол“. Тој е голгетер. Не се замара со тоа да биде на средината од теренот и да влезе во ритамот на мечот. Кристијано сака да биде оној кој ќе го „убие“ противникот“ – вели легендата на Манчестер јунајтед.
„Од друга страна, Меси можете да го видите и на позиција како дефанзивец од средниот ред. Се враќа да ја земе топката, да одигра еден-два додавање. Си поигрува со противниците, ја гради играта. Инволвиран е во ритамот на мечот и тоа е разликата“.
„Да не заборавиме и дека е магионичар“.