Челси со гол на Педро во продолженијата го помина Лестер за пласман во полуфинале (ВИДЕО)

Челси поведе пред крајот на првото полувреме по еден брз против напад, Вилијан асистираше до Мората кој мајсторски ја смести топката во мрежата на Лестер за водство од 1-0.

На 15 минути до крајот на мечот по една мешаница во шеснаесетникот на Челси, најдобро се снајде Варди кој погоди за 1-1. Тоа беше резултатот во регуларниот тек.

Во 105 минута нововлезениот Педро постигна гол со глава за ново водство на Челси кое овој пат значеше и победа.

Челси е последниот патник во полуфиналето од ФА Купот, а таму претходно се пласираа Тотнем, Манчестер јунајтед и Саутемптон.