Чави: Барселона заспа додека Реал ја освојува Европа

Реал Мадрид ја
одбрани титулата во Лигата на шампионите и ја потврди доминацијата која ја има
во Европа во изминатите неколку години, овој пат нивна жртва во големото финале
сезонава беше Ливерпул, а Чави, екс фудбалерот на Каталонците е видно разочаран
од тоа колку Кралевите се одвојуваат во Европа во однос на нивниот голем ривал.

„Реал има
победнички дух, а Барселона заспа. Со години тие се веќе доминантни и
доведувањето на нови фудбалери во тимот донесе резултати. Ми делува дека
Барселона заспа, додека освојува титули во Шпанија, некој друг ја освојува
Европа и Лигата на шампионите“ рече поранешниот фудбалер на Каталонците, инаку,
легенда на тимот.