Болт може само да тренира со големите екипи, за професионален фудбалер не го бива

Синоќа Усеин Болт беше дел од тренингот на Борусија Дортмунд, работеше со играчите кои немаа репрезентативни обврски.

31-годишниот Јамајканец кој е голем фан на Манчестер јунајтед, е и добар фудбалер. Но не доволно добар за да стане професионалец и да игра на највисоко ниво. 

Тренерот на Борусија Дортмунд, Петер Штогер му рече на Усеин Болт дека му треба уште многу за да биде професионален фудбалер.

„Физиката која тој ја има е за друг спорт, таа е комплетно различна од тоа што е потебно за фудбал, но навистина ни беше забавно со него. Беше задоволство што го запознавме и работевме со него“, вели тренерот на Борусија Дортмунд, Петер Штогер.

„Талентиран е, но ако сака да игра на високо ниво јасно е дека му е потребно многу работа“.