Барселона се спасуваше од пораз во градското дерби против Еспањол (ВИДЕО)

Барселона натпреварот го почна со Меси на клупата, а останатите како да не можеа без него. Во 22. минута Кутињо ја погоди стативата од голот на домаќините, малку фалеше да и донесе водство на Барса.

По 15 минути игра во второто полувреме Меси влезе на местото од Пако Алкасер, но седум минути подоцна Еспањол поведе со гол на Морено.

Конечно во 82. минута по центаршут од Меси, Пике со глава реализираше за конечни 1-1.

Овој нерешен резултат нема никакво влијание врз шансите на Барса за титулата бидејќи Каталонците имаат дури 12 бодови предност пред Атлетико Мадрид кој вечерва ја пречекува Валенсија.