Леванте дојде до
исклучително важна победа од 4-1 над Рајо Ваљекано на две кола до крајот на
Примера, а овие три бода се од големо значење за тимот од Валенсија во битката за опстанок
во шпанското елитно првенство.
Македонскиот
репрезентативец од редовите на победничкиот табор, Енис Барди во завршницата од
пресметката ја потврди победата за домаќините откако доби употреблива топка во
казнениот простор на гостите и со силен удар ја запечати победата на својата
екипа.
Претходно,
последен пат во Примера, македонскиот репрезентативец погоди во победата над
Гетафе на гостински терен, со единствениот гол на мечот кој му донесе вредни
три бода на тимот од Валенсија, за Македонецот ова е втор гол сезонава во Примера на 34 настапи.
Со оваа победа,
Леванте има во моментов пет бода предност во однос на Ваљадолид на две кола до
крајот, но, Ваљадолид утре по мечот со Атлетик Билбао ќе се израмни по
бројот на натпревари со тимот од Валенсија.