Франција е еден од главните фаворити на Светското првенство, но вечерва навивачите на оваа репрезентација не се израдуваа, Французите беа поразени во Париз од Колумбија со 3-2.
Домаќините одлично почнаа во 11. минута Жиру донесе водство, а 15 минути подоцна по една прекрасна акција Лемар реализираше за 2-0, тука се мислеше дека се е решено, но не беше така.
Следуваа три гола на Колумбија, Муриел намали на 2-1, Фалкао изедначи на 2-2, а на пет минути до крајот на мечот Кинтеро реализираше пенал за победа на гостите од 3-2.
Атрактивна беше пресметката помеѓу Германија и Шпанија, на мечот имаше повеќе шанси за голови, но само два пати се тресеа мрежите, по еднаш на двете страни.
Родриго уште во шестата минута донесе предност за Шпанија, а Милер со удар од далечина изедначи во 35. и ги постави конечните 1-1.
Аргентина со 2-0 ја победи Италија со голови во финишот од мечот. Во 75. минута реализираше Банега, а десет минути подоцна погоди Ланцини.
Англија со гол на Лингард слабеше против Холандија со 1-0.