Реал Сосиедад има проблеми со повреди пред дуелот со Вардар

Познат е составот на Реал Сосиедад со кој шпанскиот тим ќе настапи во Скопје.

Поради повреди, тренерот на Сосиедад нема да може да смета на Карлос Мартинез, Одриозола, Зурутуза, Гориди, Хуанми и Агирече. 

Одриозола и Хуанми беа стартери на последниот меч на Реал Сосиедад во кој славеа со 2-0 на гостувањето кај Алавес.

Во составот меѓу другите се и пославните Иљараменди, Јанузај и Карлос Вела.

Натпреварот помеѓу Вардар и Реал Сосиедад се игра во четврток со почеток од 19 часот.