На Обамејанг му се скрши сонот: Реaл Мадрид не ме сака!

Габонецот никогаш не криел дека сон му е да игра за Реал Мадрид и ова му го има ветено на неговиот покоен дедо.

Неговото име во неколку наврати се поврзуваше со „Кралевите“ но трансферот никогаш не се реализираше, а очигледно нема да се случи и во иднина.

Самиот играч во разговор со Радио Монте Карло откри дека повеќе не сонува да заигра на Сантијаго Бербауе.

„Повеќе не сонувам. Во иднина нема да зборувам за Реал Мадрид. Тие не ме сакаат“ – вели Пјер Емерик Обамејанг.

Изминатово лето тој се поврзуваше со враќање во Милан, но ниту една ваква зделка не се реализираше.

„Милан стапи во контакт со мене и достави конкретна понуда. Бев заинтересиран за нивниот проект, но поради одредени причини ништо не се случи“.