105
Ливерпул синоќа доживеа елиминација од Лига Купот на Англија откако со 2-0 загуби на гостувањето кај Лестер.
Црвените доминираа на овој меч, имаа 70% посед на топката, упатија 21 шут кон голот на Лестер но не ја затресоа мрежата на домаќинот.
Изминатиот викенд Ливерпул киксираше во Премиерлигата откако одигра само 1-1 на Енфилд против Барнли.
На тој меч Ливерпул имаше 71% посед на топката, дури 35 шута упатени кон голот на Барнли, но успеа само еднаш да реализира.
На последните два меча тимот на Клоп доаѓа во позиција да шутне, тоа го направи вкупно 56 пати, но само еднаш погоди. Ливерпул има очајна реализација која почнува да му создава главоболки на Германецот.