Барселона два месеци без важен фудбалер

Фудбалерот на Барселона Марк Касадо ќе мора да паузира во наредните два месеци поради повреда на коленото.

Денеска во Барселона му биле направени тестови на Касадо кои покажале дека ќе мора да помине одреден период надвор од терените.

„Утрово направивме дополнителни тестови на нашиот првотимец, Марк Касадо и тие потврдија делумно кинење на лигаментите на десното колено. Тој во наредниот период ќе продолжи со козервативен третман и би требало да биде надвор од терените околу два месеци“, стои во соопштението.

Во досегашниот дел од сезоната Касадо одигра 37 натпревари, па така Флик сега ќе мора да побара ново решение. Повредата младиот фудбалер ја заработи во натпреварот против Атлетико Мадрид.