Македонецот се
врати во стартниот состав на Леванте откако минатото коло беше поштеден. Енис
Барди уште еднаш покажа дека се работи за одличен играч и спасуваше бод за својот тим.
Валенсија беша
таа која го отвори резултатот, по половина час игра, одбраната на домаќините
заборави на Родриго, кој од пет метри со глава донесе водство од 0-1. Гостите потоа имаа уште една 100% шанса, но Солер од пет метри биеше директно во голманот иако имаше цел празен гол.
Казната за ова стигна кон финишот на
првиот дел, кога на сцена стапи Енис Барди. Тој најпрво покажа одлична контрола откако
една тешка топка ја смири на гради и покрај тоа што имаше играч крај себе и
потоа биеше неодбранливо по земја за 1-1.
Во продолжението
од средбата, двете екипи повеќе мислеа на својот гол отколку на противничкиот
па мрежите мируваа до последниот свиреж на судијата.