Манчестер Сити славеше со високи и убедливи 5-0 над
Ливерпул во четвртото коло од англиската Премиерлига, но резултатот осамна во
сенка по ситуацијата во 37. минута од дербито.
Офанзивецот на гостите Садио Мане во обидот да стигне прв
до топката реагираше мошне невнимателно, па со претерано крената нога му нанесеголеми исекотини на лицето на голманот на Сити, Едерсон Мораеш, кој не можеше
да го продолжи натпреварот и со носилки беше изнесен од теренот.
Едерсон го покажа лицето, изгледа грозно (ФОТО)
Сенегалецот се реши да го коментира тој настан во Манчестер
кој и натаму е актуелна тема на Островот, за истиот вели дека се’ што сакал тој во
таа ситуација е да стигне до топката, не ни помислувал да го повреди
противникот.
„Искрено, мислам дека наредниот пат ќе стигнам до топката
пред него“ вели Мане.
Клоп проговори за исклучувањето на Мане
„Немав такви намери да го повредам голманот, тоа беше
навистина лошо, му посакувам брзо закрепнување и да се врати на терените
целосно подготвен. Мислам дека тоа беше дуел за топка, искрено, јас одев на
топката, немав никакви намери да го повредам него бидејќи не сум таков
фудбалер, така да му посакувам искрено брзо закрепнување“ додаде Сенегалецот.
Невил и Анри ги запалија социјалните мрежи, Мане не требал да добие црвен картон?!
„Имаше контакт, јас го направив сето тоа но немав никаква
намера за такво нешто, му се извинувам, тоа е фудбалот, не можам ништо да
сменам во оваа ситуација… Го немам неговиот телефонски број, па објавив
неколку пораки за него на социјалните мрежи, се надевам дека ги видел…“
заврши фудбалерот на Ливерпул кој по таа ситуација заработи директен црвен картон.