Французинот
постојано е на мета на фановите и многумина веруваат дека тој со својата форма
не ја оправдува големата доверба која ја ужива.
Навивачите
особено беа бесни на Карим Бензема на дуелот со Валенсија, кога напаѓачот
пропушти неколку добри шанси за гол и беше главен виновник што гостите си заминаа од Сантијаго
Бернабеу со бод.
Но за разлика од
нив, лидерите на клубот имаат сосема друго мислење. Флорентино Перез наскоро ќе
го награди Карим Бензема со нов побогат договор.
Франс Фудбал вели
дека двете страни си подале рака и оваа недела треба да пристигне потврда за
продолжување на соработката.
Добар дел од
фановите не се импресионирани од ваквите вести, а многумина и не можат да
поверуваат со каква откупна клаузула ќе биде осигуран Карим Бензема. Оној кој
ќе го сака играчот ќе треба да искешира ЕДНА милијарда евра.
Во моментов само
еден играч на Сантијаго Бернабеу има ваква клузула, а тоа е првата ѕвезда
Кристијано Роналдо. Па очигледно Флорентино Перез има голема верба во
напаѓачот, кој се почесто добива свирежи од публиката на Бернебеу.