Рајола очекува Дибала да замине од Јуве, посочи пет дестинации за Аргентинецот

by
1 минути читање

Пауло Дибала изминатово лето се поврзуваше со трансфер на Камп Ноу како дел од реконструцијата на Барселона по заминувањето на Нејмар.

Зделката не се реализираше, но Аргентинецот и понатаму се споменува како засилување на „Каталонците“ откако минатаат недела го промени агентот, и Паоло Триулци го замени со неговиот брат Густаво.

Мино Рајола сега даде свое мислење, контроверзниот агент очекува Пауло Дибала во скоро време да замине од Торино и посочи пет дестинации за напаѓачот.

„На крајот Дибала ќе замине од Јувентус“ – вели Рајола. „И кога ќе го стори тоа, треба да се пресели во тим кој веќе има готов проект, се уште е млад за да биде лидер на нов проект“.

„Би сакал да го видам во Барселона, Реал Мадрид, Манчестер јунајтед, Манчестер Сити или Челси. Но каде и да се пресели, тоа мора да биде голем проект“.

Можно е и ова да ти се допаѓа

@2024 – Сите права задржани