Бранителот на
титулата во најсилниот шампионат на Англија, тимот на Челси славеше со 1-2 на
гостувањето кај Лестер, а водечкиот гол за гостите го постигна Мората во 41. минута.
Во второто
полувреме Челси дојде и до дуплирање на водството, со погодокот на Канте во 50.
минута, домаќините се што направија подоцна е намалување на водството на 1-2 со
голот на Варди од пенал во 62. минута.
Арсенал
благодарение на одличната партија на Велбек дојде до триумф од 3-0 над
Бурнемаут на домашен терен.
Водечкиот гол за
домаќините беше дело на Велбек кој среќно ја смести топката во мрежата од
противничкиот гол во 6. минута. Истиот фудбалер асистираше во погодокот на
Лаказет во 27. минута, додека пак со својот втор гол на мечот, овој пат во 50. минута
ги постави конечните 3-0 од мечот во Лондон.
Тотенхем беше
убедлив на гостувањето кај Евертон и славеше со 0-3, два гола во победата на гостите
постигна Хари Кејн (28’, 46’) додека еден гол беше дело на Ериксен (42’).
Во останатите
натпревари Брајтон славеше над ВБА со 3-1 на домашен терен, додека пак Ватфорд
обезбеди гостински триумф кај Саутемптон со 0-2.
Претходно
Манчестер Сити во првиот меч за денеска славеше со 5-0 над Ливерпул, додека пак
во терминот од 18 часот и 30 минути Стоук на домашен терен го пречекува
Манчестер јунајтед.