Филипе Кутињо во составот на Ливерпул за ЛШ

Според
информациите кои пристигнуваат од Островот, се вели дека Филипе Кутињо е внесен
во составот на Ливерпул за претстојните натпревари во Лигата на Шампионите.

Германскиот
стратег Јирген Клоп го внесе Бразилецот во составот од 25 фудбалери, а Кутињо
беше топ тема изминатиот преоден рок откако на големо се пишуваше за неговата
евентуална преселба во Барселона, но клубот од „Енфилд Роуд“ беше решен во
намерата да го задржи најдобриот фудбалер во своите редови.

Ливерпул се најде
во групата „Е“ во друштво на Марибор, Севилја и Спартак Москва, првиот
натпревар го игра наредната среда на домашен терен против Севилја.