Македонската фудбалска репрезентација до 21 година ги доби противниците за квалификациите за Европското првенство 2027 година.
Надежите немаа среќа, ќе играат во група со Италија, Полска, Шведска, Црна Гора и Ерменија.
Квалификациите почнуваат на 17 март и ќе траат до 6 октомври 2026 година, а баражот е на програмата на 9 и 17 ноември идната година.
Директен пласман на Европското првенство обезбедуваат деветте победници по групи, плус најдобрата второпласирана репрезентација. Останатите осум второпласирани ќе играат плејоф и победниците од тие пресметки ќе учествуваат на младинскиот континентален шампионат.
Досега Македонија само еднаш учествувала на европските младински првенства, во 2017 година, а во новиот циклус ќе влезе и со нов селектор – Горан Станиќ.