Барселона во луд натпревар режира пресврт и слави кај Бенфика на „Да Луж“ со 4-5, иако на полувреме губеше 3-1.
Во навистина неверојатна средба за гледање каталонскиот тим покажа карактер и во финишот го сврте резултатот. Презадоволен за одиграното беше тренерот Ханси Флик.
„Ова беше луд фудбалски натпревар. Најдобрата работа на теренот беше менталитетот. Ова е фудбал. Никогаш не сум доживеал ваков кам-бек. Сите грешиме, така беше и со Шчезни. Победуваме и губиме заедно. Ми се допаѓа тоа што го видов во второто полувреме. Важно ни е сега да се фокусираме на Валенсија, а потоа Аталанта. Не сме смирени поради тоа што се пласиравме во осминафиналето, сакаме уште една победа“, изјави Флик.
Со победата Барселона е официјално патник во осминафиналето, ама најавен е напад на победа над Аталанта.