Парите од Нејмар отидоа за трансфер на Дембеле, Барселона го потврди новото засилување

20-годишниот француски фудбалер потпиша пет годишен договор со Барселона кој денеска и официјално беше потврден од каталонскиот клуб.

Тој станува вториот најскап трансфер во светот на фудбалот по заминувањето на Нејмар од Барса во ПСЖ.

Најголемиот дел од парите добиени од Нејмар, Барселона ги дава за ангажман на младиот Дембеле.

„Многу сум среќен што сум тука. Отсекогаш сум сонувал да играм за Барселона и сега сум тука и среќен сум што го остварив мојот сон“, вели Дембеле.

„Ова е најдобриот клуб во светот со најдобрите играчи во светот“.

Дембеле е убедливо најскапото засилување на Барселона, претходно тоа беше Луис Суарез кој во 2014 дојде од Ливерпул речиси двојно помала сума.