Наполи рутински ја среди Верона со 2-0 и ја забележа 15. победа во 20. коло на Серија А. Домашната екипа на стадионот „Диего Армандо Марадона“ ги израдува навивачите и во одлична атмосфера стигна до петта победа во низа во калчото.
Немаше Верона сили за изненадување. Резултатот беше отворен по само пет минути игра, преку автогол на несреќниот голман Монтипо. По шут на Ди Лоренцо топката се одби од стативата и го удри голманот на Верона во грбот, па заврши во мрежата за 1-0.
Вториот гол беше дело на Замбо Ангиса кој во 61. минута ги постави конечните 2-0.
Наполи со оваа победа се одржа на врвот со „плус четири“ пред Интер, меѓутоа „нераѕурите“ имаат два натпревари помалку на контото.
