Болоња се радуваше на победа на гостувањето кај Торино (0-2) во натпревар од 17. коло на Серија А.
Стигна гостинот на „Олимпико“ во Торино до седмата сезонска победа, враќајќи се на седмата позиција пред Милан.
Првото полувреме тргна со пенал за гостите, но Кастро не го реализира. Мрежите мируваа во првиот дел од средбата, а голови немаше до пред крајот на мечот. Резултатот го отвори Тијс Далинга во 71. минута, а точка на победата стави Томазо Побега кој девет минути подоцна го постави конечниот резултат.
Болоња има 28 бода и се наоѓа на делба на шестото место со Јувентус, додека Торино има 19 и се наоѓа на 11. место.
