Кутињо нема да игра за Ливерпул во плејофот од Лигата на шампионите

Утре Ливерпул игра против Хофенхајм во првиот натпревар од плејофот во Лигата на шампионите, а Јирген Клоп нема да ги користи услугите на Филипе Кутињо.

И покрај тоа што нема да има пречка да игра и во Лигата на шампионите за Барселона, доколку настапи во квалификациите за Ливерпул, Бразилецот нема да ризикува повреда пред голем трансфер на Камп Ноу.

Се очекува во наредните денови Барселона да го ангажира Кутињо за повеќе од 120 милиони евра.

Каталонците ги трошат парите заработени од заминувањето на Нејмар, но тешко ќе биде да се надополни неговото отсуство.